कृषी देश

एक विचार, एक प्रवास!!

  • Social

  • Categories

  • Google Ad

काही निवडक रचना ई-पुस्तिका म्हणून प्रकाशित

Posted by Sandeep Shelke on 9th February 2014

माझ्या आजपर्यंतच्या काही निवडक रचना ज्यांना मी कविता समजतो त्या संकलित करून ई-पुस्तिका म्हणून प्रकाशित केले आहे.

काही रचना

[Right click and select save link as]

मला कधी-कधी शब्द सुचतात आणि त्यांना मी कविता म्हणण्याचे धाडस करतोय. परंतु मी स्वतःला कवी म्हणवत नाही अशी प्रांजळ कबुली देतो. जे काही सुचते ते सभोवतालची परिस्थिती त्यातून निर्माण होणाऱ्या भावना ह्यांना शब्दरूप देण्याचा एक प्रयत्न, एवढंच.

काही रचना माझ्या नसून त्या इथे नमूद केल्या आहेत आणि तसा नामोल्लेख सुद्धा आहे.

हयातील सगळ्या रचना ह्या कृषीदेश वरती वेगवेगळ्या वेळी प्रकाशित केल्या आहेत. तसेच प्रत्येक रचेनेचे शीर्षक त्याच्या मूळ पानाशी दुव्यारुपी जोडलेले आहे.

रचनांची सूची 

गुलामी

जिथे मन भयमुक्त आहे आणि माथा उंचावलेला आहे

छोड़ दो उन गलियारों को

विश्वाची चिंता मज सतावते

हा देश कोणाचा आणि इथली मानसं आहेत तरी कोण

आली आली आळसावलेली दुपार

काही चूक आढळ्यास कृषीदेश वरती लिहावे अथवा Twitter मार्फत सुचवावे.

आभारी आहे.

– संदीप शेळके

तुमची प्रत इथून डोउनलोड  करा.

Tags: , , , ,
Posted in कविता, भारत | 5 Comments »

आली आली आळसावलेली दुपार

Posted by Sandeep Shelke on 9th February 2014

गर्दीतून वाट काढत कार्यालयात पोहचावे घेउनी कष्ट अपार
झोप येते फार जेव्हा येते आळसावलेली दुपार
आली आली आळसावलेली दुपार

व्यवस्थापकाचे थोबाड पाहून द्यावा लागतो झोपेला नकार
तीही जाते कि नाटक करते न बोलता शब्द चकार
तशातच व्यवस्थापक बोलावतो बैठक दाखविण्या (थोबाडाचा) आकार
सगळेच मग झोपेत रेंगाळत मांडतात आपापले विचार
आली आली आळसावलेली दुपार

नसते मजा न अर्थ वाटे सगळेच बेकार
नोटांच्या जुडग्यापुढे होतो मी निराधार
नुसतेच रकाने भरून जीव झालाय बेजार
संपविण्या हा खोटा खेळ आडवा येतो पगार
आली आली आळसावलेली दुपार

– संदीप शेळके

Tags: ,
Posted in कविता, मराठी | No Comments »

गुलामी

Posted by Sandeep Shelke on 19th January 2014

मोफत मिळविणे फुकटचे खाणे,
ह्याने तू नाही उरणार तुझा
हिसकावून घेतील स्वातंत्र्य तुझे,
नाही थांबलास तर गुलाम होशील त्याचा

जर पात्रतेहून अधिक मिळत असेल तुजला,
चंगळ अन माज मिरवतील जीवावर तुझ्या,
आरोग्य खालावेल मानसिक आणि शारीरिक,
वाढेल अहं आणि गुलाम होशील तयांचा

प्रेम कोणी केले तर अधिकार नाही तो तुझा,
त्या क्षणी तो केवळ प्रेम देणारा वाटसरू,
आता प्रेम करण्याचे कर्म तुझे,
फळ मागशील तर गुलाम होशील त्याचा

स्पर्धा नसून, जीवन आहे जगायला,
अर्थ नसतोच मुळी आयुष्याला,
तो शोधायचा असतो स्वतःला,
जर पाहशील जय-पराजय तर गुलाम होशील तयांचा

 

– संदीप शेळके

Tags: , ,
Posted in कविता, मराठी | No Comments »

विश्वाची चिंता मज सतावते

Posted by Sandeep Shelke on 5th January 2014

कोण जाने का घरोघरी दुखः नांदते
न जाणे का विश्वाची चिंता मज सतावते

क्षणभंगुर आयुष्याची चटक एवढी लागते
सत्याचे रूपक मृत्यू शत्रू सम भासते

का केली बापुड्या घाई जगण्याची
निदान तारुण्य तरी उरकायचे सावकाश

प्रेम आणि सुखाच्या आमिषाने मनाचे झाले पायपुसणे
कसले प्रेम नि कसले सुख
आता घर आहे कधी धुराचे, कधी सुराचे तर कधी मयाचे

जिंकण्याची ओढ नव्हती मला कधीच
पण मला कळायच्या आधीच स्पर्धेने मला ओढले

— संदीप

Tags: ,
Posted in कविता, मराठी, माझे विचार | No Comments »

 
%d bloggers like this: