Krishidesh

For Bharat and Bharati

यल्गार

Posted by Sandeep Shelke (संदीप शेळके) on July 26th, 2011

हिंदी में यल्गार

आज, जवळपास, प्रत्येक तरुणाला नौकरी, लग्न आणि स्वतःचे घर पाहिजे. जे स्वतःच्या आई-वडिलांना अडचण मानून स्वतंत्र घराची तयारी करतात असले तारुण्य काय उपयोगाचे? आणि ह्यांच्याकडून अपेक्षा तरी काय करणार?

आणि जर देशाची भावी पिढीच बेजबाबदार आणि आत्मकेंद्री असेल तर ओरडायचे तरी कोणाकडे? चुका केलेल्या मागच्या पिढीकडे? ज्यांना स्वतःच्या पोटाची एवढी भ्रांत होती कि योग्य-अयोग्य, नैतिक-अनैतिक ह्याकडे लक्ष द्यायला वेळच नाही मिळाला कि स्वातंत्र्यप्राप्तीनंतर देशबांधणीसाठी दिशाच नाही मिळाली?

सगळीकडे हीच बोंब. शेतकऱ्याला मुलगी देण्याऐवजी आडात ढकलून देण्याच्या गोष्टी जेव्हा एक शेतकरीच बोलतो त्यावेळी जो त्रास होतो तो असह्य असतो.

आपल्या अडचणी:

१. कुचकामी शिक्षण व्यवस्था.

२. बेजबाबदार आदर्शशुन्य पालक.

३. कर्तव्य विसरलेले गुरुजन.

४. भरकटलेले तरुण-तरुणी.

५. पैसा म्हणजे सर्वस्व मानणारा (वाढत जाणारा) समाजवर्ग.

६. स्वैर, अकार्यक्षम, गुंड, लबाड, देश विघातकी राजकारणी.

७. भ्रष्ट, कामचुकार पोलीस आणि सरकारी कर्मचारी.

८. कमी झालेली श्रमप्रतिष्ठा कारण पैसा कमी तर लायकी कमी.

९. परकियांच्या आणि देश विघातकी लोकांच्या हातचे बाहुले बनलेले, काही अपवाद वगळता, पत्रकार, वर्तमानपत्र आणि वृत्त माध्यमे.

आणि आपला समाज, सगळ्यात मोठी अडचण. 

जसा आपण काही कार्यारंभ करतो तसा लगेचच खेचा-खेची आरंभ होतो. कोणीही स्वतःला महाराणा प्रताप, जिजाऊ, शिवबा, ताराबाई, महात्मा फुले, लक्ष्मीबाई, विवेकानंद, भगतसिंग, राजगुरू, चापेकर इ. प्रमाणे देशासाठी वाहून घ्यायला कि तसे बोलायलाही तयार नाहीत. अर्ध्याहून अधिक भारतभूमी नक्षलवाद्यांच्या, दहशतवाद्यांच्या कुकृत्यांनी होरपळत आहे. अवघा देश सत्तांध नेत्यांच्या पोलीस आणि प्रशासकीय अधिकाऱ्यांच्या मदतीने चालविलेल्या अत्याचाराने जर्जर झाला आहे.

ज्या भारतमातेने आपल्याला ओळख दिली तीच आता मदतीसाठी टाहो फोडत आहे आणि आपणमात्र सणवार, क्रिकेट आदीमध्ये मग्न आहोत.

“लोकशाही नावाला आणि सत्ता राजकारण्यांच्या गावाला.”

आता अजून सहन नाही करायचे, ह्या भ्रष्ट आणि देशद्रोही नेत्यांच्या विरोधात यल्गार पुकारायचे.

जय भारत!

शूर आम्ही सरदार आम्हाला काय कुणाची भीती.

2 Responses to “यल्गार”

  1. यल्गार « ॥ कृषी देश ॥ Says:

    [...] यल्गार [...]

  2. सत्ताकारणी – एक शंड आणि निलाजरी जमात « ॥ कृषी देश ॥ Says:

    [...] नारायण शेळके on Ch Sambhaji Maharaj – Ea…यल्गार « ॥ कृष… on यल्गारयल्गार « ॥ कृष… on [...]

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

 
%d bloggers like this: